เหมิดฮัก – กิ๊ก รุ่งนภา
หากว่าการเสียใจ สิ่งที่ได้มันเป็นเงินเเสน หากว่าการเสียแฟน แล้วสอบได้คะแนนอันดับหนึ่ง
น้องคงบ่ต้องทนเจ็บ นั่งก้มหน้าเช็ดน้ำตาที่ไหลซึม น้องเบิ่ดแฮงสิบืน
บ่อาจสิดึงแขนอ้ายจากเขา คืนมา
ตอนที่อ้ายบอกลา ทั้งแขนขามันล้ามันหล่อย ลมหายใจเหลือน้อย มันเมื่อยม้อยคือไก่เป็นห่า
ทั้งใจน้องมีแต่อ้าย บ่ขาดใจตายกะบุญแล้วล่ะ ถืกเขาควงแฟนไปต่อหน้า เบิ่ดปัญญาสิรั้งไว้
* ต่อให้น้องมีปีกบินไปฉุดอ้าย จากเขาได้แล้วพาอ้ายหนี
กะบ่ได้ใจอ้ายอยู่ดี เมื่อตอนนี้อ้ายมีแต่เขาในใจ
ต่อให้น้องนั่นเป็นนางฟ้า มีคาถากะเสกให้อ้ายคืนมาบ่ได้
ต่อให้น้องดิ้นล้มดิ้นตาย อ้ายกะบ่สนใจ (เมื่ออ้ายเหมิดฮักกัน)
น้องบ่ได้เป็นหยัง แค่เจ็บช้ำตอนที่หายใจ จักสิอยู่จั่งได๋ ขาดอ้ายไปน้องเบิ่ดแฮงหย่าง
น้องบ่มีวาสนา ได้เป็นภรรยา สามีฮ่วมกัน ต้องกลายเป็นผู้ผิดหวัง
เบิ่งอ้ายกับเขาฮักกัน มันเจ็บหัวใจ
ไม่มีความคิดเห็น:
แสดงความคิดเห็น